آخر الإصدارات الأدبية: أبناء طيبة إنجاز حقيقي

أبناء طيبة إنجاز حقيقي

Posted in | في 1:37 ص

سايقه علينا الهبــــــــل ياختـــــــى عليها البت
سهرانه طــــول الليـــــــل ترغى معاه ع النت
ولافاهمه فى بيت ولا غيط ولاداريه بالحاصل
بالله عليــــــكوا قولولى إمتى تكون دى ست

2
سايق علينا الهبل قلبه كمان قاسى
وعصرلى من قسوته المر فى كاسى
عايش لنفسه وبس لاإبن ولاصاحب
إزاى يكون ده أب وهو لضناه ناسى

3
سايقين علينا الهبل والعيشة صـــــبحت نار
لانا قادر اشترى فرخه ولاعضمه من جزار
نتفوا ريش الغلابــــــه حتى الحديده خدوها
أخر المطمــــة قالولى تدفع ضريبة عالدار

4
ســــــــــاقوا علينا الهبل وعرفنا لبتـــــها
لاســــــــــابوا مهنه لولد ولابنت فى بيتها
وبطالة ماليه البلد ف البيت وف الشارع
يلعن أبو التعليم لو كانت دى أخرتــــــــها

سايقه علينا الهبل ماشـــــــــــــيه بتتعاجب
أحمر وكحل وبودرة ومرفعـــــــــه الحاجب
واللبس ضاق عالأد طب قولى أشكى لمين
لانا لاقى أم تعلم ولاأب يتعاتـــــــــــــــــــب

6
سايق علينا الهبل يشـــــــرب بانجو وحشيش
ولاشغله ولامشـــغله وكمان عفوه م الجيش
فى البيت دوشــــــــــــــه وخناق وهم مايتلم
ماهى هيا دى حكومتنا إدعولها لجل تعيش

7
سايق علينا الهبل وعامــلى فيها كبير
علو المقام ده عقل وحسـن فى التدبير
لوقال فى مرة ف بيته تلت التلاته كام
تفتح عليه عشــها وتلسوعه الدبابير

8
ساقوا علينا الهبل ضحكوا علينا يابيـــه
مش بردو من إياهم ولا انت تطلـــع إيه
تطلع زى ماتطلع ماعدتش فارقه معانا
ما الكل بنهب فينا وســــايبهم ابن الإيه

إصدار رائع لمنتدي أبناء طيبة يحمل عنوان (سيمفونية البوح)يحمل إهداء إلي الفرسان الخمسة مؤسسي منتديات طيبة وإلي كل من ساهم في هذا الإصدار ..الزهر ومجلة روز اء تبارك كل إبداع جيد وجديد.